Arte tailerrak Donapean

“Eginez ikasi” bidez egiten diren jarduera didaktikoak atsegin ditugu. Horren seinale, urriaren 21etik 25erako astean zehar Donapean egindakoak, Ingeleraz. Hizlariek ikasleentzat hain anitzak eta entretenigarriak diren jarduerak aurkeztu zituzten, hala nola yoga, ahozko narrazio tailerrak eta lurringintza laborategi bat.

Ahozko narrazioaren tailerrean, One man teather metodoarekin egina, hizlariak, Roald Dahl idazle ingelesaren liburu baten argumentua eszenaratu zuen; lurringintzako laborategian, berriz, parte hartu zuten ikasleek beren perfumea prestatu eta lagin txiki bat etxera eraman ahal izan zuten.

Argazkietan, ahozko narrazioaren eta lurringintza laborategiaren uneak.